Thirrja për të kundërshtuar vendimin e Bankes Qëndrore te Kosoves për ndalimin e përdorimit të dinarit serb në Kosovë, mblodhi një numër goxha të madh te serbëve në Mitrovicën e Veriut.

Nën organizimin e pensionistëve serb dhe me mbeshtetjen e Listës Serbe, ata u mblodhen në sheshin Car Lazar.

Ata mbanin ne duar pankarta me akuza në drejtim të kryeministrit Albin Kurti, ankesa se po vdesin urie e thirrje ndaj ndërkombëtarëve per t’iu dalë në ndihmë.

E vaçantë ishte një parull ku i kërkohet ndihmë SHBA, e cila rrallë herë mund të shihet në tubimet serbe.

“Vendimi për të hequr dinarin, për të pamundësuar ngritjen e pensioneve, do të thotë se na hiqet buka, na hiqet e drejta për jetë. Nëse dihet se në dyqane nuk ka ushqim serb, në barnatore nuk ka ilaçe serbe. Çfarë do të ndodhë me ne? Dua t’u shpjegoj të gjithëve gënjeshtrën e madhe se mund të hapim llogari në disa banka dhe të tërheqim pensionet. Ato banka nuk e njohin hyrjen e parave në bazë të vendimit për pensionet tona të marra nga fondi serb”, tha Dushanka Gjoroviq nga Asociacioni i Pensionerëve serb.

“Ky vendim kërcënon të drejtat themelore të njeriut dhe të drejtën për trajtim dhe për këtë arsye kërkojmë nga bashkësia ndërkombëtare, vendet e QUINT-it të ndalojë këtë vendim. Prishtina dhe Kurti nuk kanë të drejtë të ndalin dinarin, Serbia ka të drejtë të financojë qytetarët e saj dhe për këtë ka marrëveshje në Bruksel. Serbia ka të drejtë të financojë shkolla, kopshte, spitale, vetëqeverisje lokale, dhe këto janë themelet e Asociacionit”, tha Dragisha Miloviç, drejtor në spitalin e Mitrovicës së Veriut.

Pas 30 minutash, protesta u mbyll e qetë dhe pa ndonjë incident. Të pranishëm aty ishin policia e Kosovës dhe pjesëtare të KFOR-it.

LEXONI GJITHASHTU:

• Heqja e dinarit, Kurti: S’ka asnjë masë ndëshkuese gjatë periudhës së tranzicionit
• Kurti: Nuk mund ta zhbëjmë vendimin për dinarin serb