Verstappen bëhet piloti i parë holandez që titullin kampion në F1

Maks Vershtapen arriti ti rrëmbente titullin kampion, Ljuis Hemilton në xhiron e fundit të Çmimit të Madh të Abu Dhabi për të mbyllur një nga sezonet më emocionuese të Formula 1 të viteve të fundit.

Piloti holandez i Red Bull, Max Verstappen u shpall kampion bote në Formula 1 për vitin 2021. Ai triumfoi në garën e Çmimit të Madh të Abu Dhabi zhvilluar të dielën pasdite në pistën e Yas Marina pas një gare të çmendur, të vendosur në xhiron e fundit. Në vendin e dytë u klasifikua piloti britanik i Mercedes, Lewis Hamilton. Ai e dominoi garën për 58 xhiro, por e humbi atë në kthesat e fundit ashtu sikurse humbi edhe titullin kampion.

Një fitore që ishte shumë pranë Hamilton, por një aksident i një makine Williams 6 xhiro nga fundi dhe hyrja e makinës së sigurisë në pistë vendosi fatet e këtij sezoni.

Në xhiron e fundit dhe të vetme në dispozicion, holandezi parakaloi britanikun, DHE më pas arriti te mbrohej duke fituar garën e titullin kampion.

Ky është titulli i parë kampion në karrierë për Verstappen, teksa titullin për konstruktorë e fitoi skuderi Mercedes.