Infermieria e Barcelonës duket se është plot në këtë fillimsezoni, duke ia vështirësuar llogaritë trajnerit Hansi Flick, i cili duhet të veprojë pa një pjesë të protagonistëve. I fundit dhe ndoshta më i rëndësishmi është Ter Stegen, që pësoi një dëmtim serioz në përballjen me Villareal, me gardianin gjerman që u zëvendësua nga Pena në fundin e pjesës së parë. 32-vjeçari, sipas stafit mjekësor ka pësuar një dëmtim në gju, e me gjasa mund të humbasë sezonin, që do të ishte një goditje e fortë në dëm të klubit blaugran.

Mungesat dhanë pasojat e tyre në Ligën e Kampionëve, aty ku Barcelona u mposht nga Monaco, ndërsa në La Liga situata është më pozitive, pasi në 6 javë, numëron 6 fitore.

Trajneri Flick duhet të androjë skuadrën në mungesë të Ter Stegen, Gavit, Olmo, De Jong, Araujo, Christensen, Lopez dhe Bernal, sidomos kur njëri prej kundërshtarëve të radhës është Bayerni i Mynihut, një ndër ekipet që i shënon më shumë blaugranëve. Edhe pse ka ende kohë nga ky duel ndoshta mund të rikthehet ndonjë prej të dëmtuarve, Flick duhet të nisë nga puna, në mënyrë që të shmangë humbjen e thellë.

LEXONI GJITHASHTU:

• Drejtuesit të pakënaqur me rezultatet, Roma shkarkon trajnerin De Rossi
• Gjermanët shkëlqyen në Champions: 18 gola në 3 ditë, Bayerni vendos rekord në Europë