Nis punën Gjykata e Apelit e Juridiksionit të Përgjithshëm në Tiranë

Nga kjo e mërkurë, 1 janar, hyn në fuqi zbatimi i hartës së re gjyqësore me vënien në funksion të Gjykatës së Apelit të Juridiksionit të Përgjithshëm në Tiranë.

KLGJ u ka dërguar vendim të formës së prerë Gjykatave të Apelit në rrethe dhe duke nisur nga sot ato do të mbyllen dhe do të funksionojë vetëm një Apel në Tiranë.

Gjykatat e Apelit në Shkodër, Vlorë, Durrës, Korçë dhe Gjirokastër do të shkrihen, ndërsa do të mbetet hapur vetëm zyrat e informacionit për qytetarët.

Në këto zyra do të punojnë 3 nëpunës civilë gjyqësorë dhe qytetarët do kenë mundësi vetëm të depozitojnë kërkesat e tyre.

Me vendimin për hartën e re gjyqësore KLGJ shkriu 18 gjykata duke reduktuar gjykatat e Apelit në një të vetme në Tiranë. Nga ana tjetër edhe gjykatat administrative që do jenë në vetëm dy, një në kryeqytet dhe një në qytetin e Lushnjës. Redukim kanë pasur dhe gjykatat e Shkallës së Parë të cilat nga 22 që ishin më parë janë ulur në 13.

LEXONI GJITHASHTU: 

• Nga sot vetëm një Gjykatë Apeli, 32 mijë dosje në pritje
• Avokati Ramaj: Janë shkarkuar 50-60 % e gjyqtarëve nga Vettingu
• Eksperti ushqimor: Kujdes nga salmonela, lajini vezët e fshatit para përdorimit