Veto në OKB, Presidenti palestinez: Do rishqyrtojmë marrëdhëniet me SHBA

Autoriteti Palestinez do të rishqyrtojë marrëdhëniet dypalëshe me SHBA-në, pasi Uashingtoni vuri veton ndaj një mocioni për ta bërë Palestinën një anëtare me të drejta të plota të OKB-së, tha presidenti Mahmoud Abbas për agjencinë e lajmeve WAFA.

Sipas mediave të huaja, masa e djeshme e SHBA-së në thelb mohoi njohjen e Palestinës si shtet në sytë e OKB-së.

Një zëdhënës i Departamentit Amerikan të Shtetit e kishte përshkruar mocionin si “të parakohshëm”.

“Konkretisht, ka pyetje të pazgjidhura nëse aplikanti mund të plotësojë kriteret për t’u konsideruar si shtet”, shtoi ai.

Më herët sot, ministri i jashtëm i Kinës, Wang Yi tha se përpjekjet për të pranuar një shtet palestinez në OKB ishin një masë për të “ndrequr një padrejtësi të zgjatur”, sipas medias shtetërore Xinhua.

Kujtojmë se më herët SHBA ka kërkuar zgjidhjen me dy shtete të konfliktit në Gaza, diçka që bie ndesh me veton e saj në OKB pë Palestinën.

LEXONI GJITHASHTU:

• SHBA vendos veton kundër mocionit për anëtarësimin e Palestinës në OKB
• Mijëra palestinezë përpiqen të kthehen në Gaza pas thashethemeve për kalim të hapur