VIDEO/ Aksident i rëndë në Milot–Thumanë, 48-vjeçari humb jetën pas përplasjes së dy automjeteve

Një aksident i rëndë raportohet të ketë ndodhur në segmentin rrugor Milot–Thumanë rreth orës 01:20 të kësaj të mërkure, ku janë përfshirë dy automjete.

Sipas burimeve nga vendi i ngjarjes, nga përplasja ka humbur jetën njëri nga drejtuesit, 48-vjeçari me inicialet I.L., ndërsa shoferi tjetër, 22-vjeçari, ka shpëtuar me lëndime të lehta.

Njoftimi i policisë

“Specialistët për Hetimin e Krimeve të Komisariatit të Policisë Krujë arrestuan shtetasin I. I., 22 vjeç, pasi më datë 18.02.2026, rreth orës 01:20, në autostradën “Thumanë-Kashar”, automjeti që drejtonte është përplasur me automjetin me drejtues shtetasin I. L., 48 vjeç dhe si pasojë ka humbur jetën 48-vjeçari”, njofton policia.