Në lidhje me një video të publikuar në rrjete sociale Policia e Tiranës informon se me datë 05.12.2024, në rrugën “Myslym Keta”, ka ndodhur një aksident ku janë përfshirë dy mjete ndërsa njëri prej tyre është larguar.
Patrulla e qarkullimit ka arritur në vendngjarje dhe ka marrë kontakt me shoferen R.N ndërsa pas pak është rikthyer aty dhe mjeti tjetër i përfshirë në aksident me shtetasin F.GJ i cili ka filluar të debatojë me drejtuesen e mjetit tjetër.
Shërbimet e Policisë kanë ndërhyrë për të qetësuar situatën, por në atë moment, sipas policisë shtetasi F. Gj. ka filluar të ofendojë efektivët, dhe gjatë përpjekjes për ta neutralizuar, ai nuk i është bindur urdhrave dhe ka goditur me grushte një punonjës Policie.
Më pas drejtuesi i mjetit, shtetasi F. Gj., është shoqëruar në komisariat ku i është bërë testi i alkoolit i cili ka rezultuar:
- Testi i parë: 0.82 mg/l – Testi i dytë: 0.66 mg/l – Testi i tretë: 0.71 mg/l.
Në vijim të veprimeve është bërë arrestimi i tij për veprat penale “Goditjet për shkak të detyrës”, “Kanosja për shkak të detyrës”, dhe “Drejtimi i automjeteve në mënyrë të parregullt”.
Punonjësi i Policisë, si pasojë e dëmtimeve të marra nga goditjet e shtetasit F. GJ. ndodhet në regjim me raport mjekësor 10 ditor.
Për këtë rast, Drejtoria Vendore e Policisë Tiranë ka dhënë njoftim për arrestimin e këtij shtetasi më datë 06.12.2024, në përmbledhjen ditore.
LEXONI GJITHASHTU:
- I jepte makinës i dehur, qytetari tenton të korruptojë policin. Përfundon në pranga
- U hodh në Bunë për t’u vetëmbytur, policia shpëton 75-vjeçarin
