VIDEO| Hamasi merr peng civilë e ushtarë, hakmerret Izraeli. Goditet “zemra” e Gazas

Izraeli dhe Palestina kanë nisur një luftë të re frontale. Ishte Hamasi, organizata palestineze që nisi të shtunën sulmin më të madh ndaj Izraelit në vite. Në mënyrë të befasishme, persona të armatosur kaluan kufirin, ndërkohë që një breshëri e madhe raketash u lëshuan nga Rripi i Gazës.

“Grupi militant Hamas ka nisur një luftë që Izraeli do ta fitojë”, tha ministri i mbrojtjes i Izraelit.

Deri më tani në Izrael raportohet për mbi 100 persona të vrarë dhe rreth 985 të plagosur, ndërsa bilanci te palestinezët është edhe më tragjik. Sipas raportimeve, deri më tani janë vrarë 198 palestinezë dhe janë plagosur mbi 1600 të tjerë.

Hamasi publikoi një deklaratë duke thënë se mbi 5.000 raketa janë lëshuar në kuadër të operacionit që e ka quajtur “Përmbytja Al-Aksa”.

Zëdhënësi i ushtrisë izraelite më herët konfirmoi se “ushtarë dhe civilë” janë rrëmbyer nga militantët palestinezë dhe po mbahen peng në tunele.

Tani, Hamasi ka thënë se “Robërit izraelitë janë vendosur në vende të sigurta dhe në tunele”, deklaroi Hamasi.

Ata nuk kanë dhënë asnjë detaj se ku janë këto “vende të sigurta” apo tunele dhe nëse janë kthyer në Gaza apo në Izrael.

Si pjesë e sulmeve hakmarrëse të Izraelit, avionët luftarakë kanë goditur disa ndërtesa në qendër të qytetit të Gazës, duke përfshirë një ndërtesë 11-katëshe të quajtur Palestine Tower.

Ajo strehon stacionet radiofonike të Hamasit dhe ka një kinema në katet e para.

Well done israiel air force 😎#Gaza #HamasTerrorists #OperationIronSwords #IsraelPalestineWar #Israel #Mossad #StandWithIsrael pic.twitter.com/So0D7CHyFf

— Siddh Prahlad (@Siddh_Prahlad44) October 7, 2023

LEXONI GJITHASHTU:

• Me inteligjencën nga më të mirat në botë, si dështoi Izraeli të parandalonte sulmin
• Izraeli në luftë, mbi 100 të vdekur. Hamasi: Jemi në prag të një fitoreje të madhe
• “Ky është vetëm fillimi!”, gazetari paralajmëron sulme masive kundër Hamasit