VIDEO/ I mbrojtur nga shteti, Ariu i Murrmë bie në grackën e ngritur në Pogradec

Një specie e rrallë e Ariut të Murrmë që jeton në pyjet e Mokrës ka rënë në një çark të ngritur nga persona në Pogradec, që i gjuajnë këto kafshë të mbrojtura nga shteti.

Ariu është parë nga banorë të zonës të cilët e kanë raportuar videon pranë ADZM për të bërë të mundur lirimin e kafshës.

Mësohet se ditën e sotme disa specialistë të Zonave të Mbrojtura janë nisur drejt zonës, në pyjet e fshatit Çezmë për të bërë të mundur lirimin e Ariut të Murrmë.

Nuk dihet për momentin gjendja e tij, por specialistët thonë se Ariu mund të rezistojë për shumë ditë pa ushqim, prandaj gjasat që airu të shpëtojë janë të mëdha.

Kujtojmë se pak kohë më parë një shqiponjë u kap dhe u lidh me qëllim ballsamosjen dhe pavarësisht ndërhyrjes së specialistëve shqiponja nuk mbijetoi.

Rasti i Ariut të murrmë është një tjetër rast që tregon se gjuetia e paligjshme vijon në pyje.

• Ariu vret dy persona dhe qenin e tyre në Kanada
• VIDEO| Ariu ndërpret piknikun, familja qëndron “e ngrirë”