VIDEO| Kryebashkiaku i Nju Jorkut uron Pavarësinë e Shqipërisë: Gëzuar shqiptarë

Eric Adams Kryebashkiaku i Nju Jorkut në SHBA ka uruar shqiptarët për festën e pavarësisë. Ai uron komunitetin e shqiptarëve që jeton në Nju Jork duke i vlerësuar si njerëz punëtor dhe sipërmarrës të suksesshëm.

“Nga Shqipëria e Vogël në Bronks në Brooklyn në Staten Island, fqinjët tanë shqiptarë janë pronarët e bizneseve të vogla, sipërmarrësit dhe njujorkezët punëtorë që e mbajnë qytetin tonë në lëvizje. Gëzuar Ditën e Pavarësisë Shqiptarë!”, theksoi Adams nw urimin e tij.

Sot mbushen 111 vjet nga dita kur u shpall Pavarësia e Shqipërisë, më 28 Nëntor 1912.

Akti i Shpalljes së Pavarësisë përbën një nga ngjarjet më të rëndësishme në historinë e popullit shqiptar. Ai ishte fryt i përpjekjeve dhe i luftërave shekullore të shqiptarëve, për të mbrojtur tërësinë tokësore të atdheut dhe për të formuar shtetin e pavarur shqiptar.

Me vendimin e Kuvendit të Vlorës, kombi shqiptar fitoi të drejtën e tij të pamohueshme për të qenë i lirë e i pavarur, krahas kombeve e popujve të tjerë të Evropës.

LEXONI GJITHASHTU:

• Parashuta me flamurin kuq e zi ulet në Prekaz, pamjet nga festimet në Kosovë
• Dita e Pavarësisë bën bashkë Ramën dhe Kurtin, mbahet ceremonia në Vlorë
• Vjosa Osmani uron Ditën e Flamurit: Kosova do të jetë gjithnjë në krah të Shqipërisë