VIDEO/ Kryebashkiaku i Nju Jorkut Zohran Mamdani, zgjedh metro-n për të shkuar në punë

Zohran Mamdani, kryebashkiaku i ri i Nju Jorkut, ka surprizuar qytetarët dhe median amerikane të premten, duke zgjedhur metro-n për të udhëtuar drejt punës në ditën e tij të parë të plotë në zyrë.

I parë duke hipur në tren në lagjen Astoria, Mamdani ka dërguar një mesazh të qartë: një qasje më e thjeshtë dhe më afër qytetarëve, larg protokolleve tradicionale dhe luksit që shpesh lidhet me funksionin e kryebashkiakut. Pamjet e tij janë shpërndarë shpejt në rrjetet sociale, ku përdoruesit kanë vlerësuar simbolikën e këtij veprimi.

Ekspertët politikë e konsiderojnë këtë lëvizje si një tregues të një stili drejtimi më të hapur dhe të përditshëm, që tenton të lidhë më shumë institucionin me jetën e përditshme të qytetarëve të Nju Jorkut.