VIDEO| Me BMW në mes të Shkodrës, si tentoi të largohej autori i vrasjes së 2-fishtë

Armando Pali dhe Liridon Kraja u vranë me armë zjarri në një atenat të ndodhur mëngjesin e hënës në qendër të qytetit të Shkodrës, ndërsa u plagosën Erogen Vaso Brajoviç, që mendohet se ishte objektivi i atentatit dhe një kamariere 25-vjeçare, Meri Kaceri

Autori i ngjarjes Ragip Gila, 29 vjeç u vu në pranga pas ndjekjes nga policia.

29-vjeçari menjëherë pas masakrës ndaloi një qytetar dhe nën kërcënimin e armës i mori makinën BMW ngjyrë gri, me të cilën u largua me shpejtësi nëpër rrugët e qytetit.

Euronews Albania ka siguruar pamjet filmike që tregojnë momentin kur ai qarkullon me makinën e vjedhur në përpjekje për t’u arratisur.

29-vjeçari mundi të arrinte deri në lagjen Skënderbeg, por gjatë ndjekjes nga forcat e policisë, u përfshi në një aksident duke u përplasur me disa mjete të tjera. Pas përplasjes, e braktisi automjetin dhe tentoi të largohej në këmbë në drejtim të lumit Kir.

LEXONI GJITHASHTU:

• Zbardhet dëshmia e autorit të atentatit në Shkodër: Objektivi im ishte Erogen Vaso
• Vrasja e Kolës dhe atentati me dy të vdekur në Shkodër, Hoxha: Ka një lidhje