Euronews Albania ka siguruar pamjet e atentatit ndaj biznesmenit Eduart Reçi disa ditë më parë në Tiranë.
Në pamjet video shihet 52-vjeçari teksa qëndron në këmbë para pallatit ku banonte duke kontrolluar telefonin, kur qëllohet me një plumb në kokë dhe bie menjëherë në tokë.
Ditën e sotme Gjykata caktoi masën e sigurisë “Arrest me burg” për Shkëlqim dhe Florjan Dukën, autorët e dyshuar të vrasjes së biznesmenit Eduart Reçi.
Gjatë seancës së mbajtur këtë të martë, dy vëllezërit e kanë mohuar akuzën se ata janë autorët e vrasjes së biznesmenit.
Shkëlqim Duka, oficeri i policisë gjyqësore, dyshohet se është dhe qitësi që bëri të mundur ekzekutimin e biznesmenit mbrëmjen e 13 nëntorit.
Shkak i konfliktit është bërë një pronë në lagje, për të cilën biznesmeni ishte në konflikt me dy vëllezërit.
LEXONI GJITHASHTU:
- Kush e vrau biznesmenin Reçi?! Ismaili: Pamjet filmike zbuluan “qitësin” e OPGJ-së!
- Ekskluzive/ Zbardhet vrasja e biznesmenit, Eduart Reçi. Kush ishte qitësi (Emri)
