Euronews Albania ka mundur të sigurojë një video nga puna e ekipit shqiptar të kërkim shpëtimi,t që po punon për nxjerrjen e personave nga rrënojat e godinave në Turqi.

Siç shihet dhe nga pamjet, ekipi shqiptar në bashkëpunim me kolegët turq, po vijon punën nën rrënoja duke gërmuar për shpëtimin e personave që mund të jenë ende gjallë.

Kujtojmë se vetëm ditën e djeshme ekipi shqiptar i kërkim shpëtimit mundi të shpëtonte një fëmjë 4-vjeç që ndodhet në rrënojat e një ndërtese 4-katëshe.

“Me të mbërritur ekipi shqiptar na aktivizoi AFAD-i, Agjencia e Emergjencave të Turqisë, na lokalizuan në një godinë 4 katëshe, ku nxorëm 3 kufoma dhe 1 fëmijë 4-vjeçe të gjallë.

Kjo fal stërvitjeve dhe trajnimeve që kanë bërë Forcat e Armatosua dhe në veçanti ekipi i Emergjencave Civile mbi kërkim shpëtimin’, tha për Euronews Grei Malo, pjesëtar i ekipit shqiptar të dërguar në Turqi.

LEXONI GJITHASHTU: 

• Malo: Si ekipi shqiptar arrriti të nxirrte nga rrënojat fëmijën 4-vjeç
• Ndërtesa të rëna, makina të shkatërruara e njerëz në lot. Pamje dramatike nga Turqia