VIDEO/ Momenti kur IKMT shemb me tritol objektin 3-katësh pranë rrugës Vlorë–Orikum
Vlora u zgjua mëngjesin e kësaj të hëne nga shpërthimi i 32 kilogramëve lëndë plasëse, me të cilat IKMT, në bashkëpunim me Ministrinë e Mbrojtjes, Forcat Xheniere dhe Policinë e Shtetit, shembi një objekt trekatësh me konstruksion beton-arme pranë aksit rrugor Vlorë–Orikum.
Shpërthimi i kontrolluar, i kryer në orën 07:30, përfshiu 410 furnela dhe 1.100 metra linearë fitil detonant. Për arsye sigurie, rruga Vlorë–Orikum u bllokua përkohësisht, ndërsa furnizimi me energji elektrike u ndërpre 15 minuta para operacionit.
Në terren ishin të pranishme mjetet zjarrfikëse, ambulanca dhe personeli përkatës.
Autoritetet kishin njoftuar paraprakisht pronarët e objekteve në zonë për masat mbrojtëse ndërsa kanë theksuar se operacionet ndaj ndërtimeve pa leje do të vijojnë në të gjithë vendin.
VIDEO/ Momenti kur IKMT shemb me tritol objektin 3-katësh pranë rrugës Vlorë–Orikum pic.twitter.com/KKXeb1VtqT
— Euronews Albania (@EuronewsAlbania) August 11, 2025
Në lidhje me shembjen e objektit trekatësh që u prish mëngjesin e kësaj të hëne në Vlorë ka reaguar edhe kryeministri Edi Rama i cili ka postuar pamjet e momentit të shpërthimit të kontrolluar.
Kreu i qeverisë theksoi vendosmërinë për të përmbyllur betejën ndaj ndërtimeve pa leje dhe shkeljeve ligjore në ndërtim.
“Mirëmëngjes! Me këto pamje nga përballja me paligjshmërinë që lëndon dhe shëmton hapësirat ku bashkëjetojmë si bij e bija të këtij vendi — dhe ku do ta shkruajmë me patjetër kapitullin e fundit të betejës me ndërtimet pa leje apo në shkelje të lejeve — ju uroj një javë sa më të mbarë”, shkruan Rama në postimin e tij.
Shembet ndërtesa në Vlorë, turistët dalin në ballkone nga shpërthimi i fuqishëm pic.twitter.com/A1vxmnDcU6
— Euronews Albania (@EuronewsAlbania) August 11, 2025
LEXONI GJITHASHTU:
Kryefaqja
Vrasja e policit në Korçë, reagon Rama: Nderim përjetë dëshmorit të atdheut
Vrau një polic dhe plagosi një tjetër, del fotoja e autorit të ngjarjes së rëndë në Maliq
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
- 09:33 Vrasja e policit në Korçë, reagon Rama: Nderim përjetë dëshmorit të atdheut
- 09:31 Vrau një polic dhe plagosi një tjetër, del fotoja e autorit të ngjarjes së rëndë në Maliq
- 09:24 Deklaratat antisemite të artistit, Gjykata holandeze i hap rrugën koncerteve të Kanye West
- 09:11 SpaceX drejt ofertës publike fillestare më të madhe në histori, prej 75 miliardë dollarësh
- 09:08 Policia del me njoftim zyrtar: Si u vra efektivi dhe u plagos kolegu i tij, detajet nga operacioni
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq