VIDEO/ Po performonte live, këngëtari rrëzohet papritur dhe vdes në skenë

Këngëtari brazilian i gospel-it Pedro Henrique vdiq pasi u rrëzua në skenë gjatë një performance të mërkurën.

30-vjeçari po performonte këngën e tij ‘Vai Ser Tão Lindo’ në një ngjarje fetare që po transmetohej në internet, kur ai papritmas ra.

Të pranishmit nxituan menjëherë për të ndihmuar këngëtarin, ndërsa turma e shikonte të tronditur.

Henrique u dërgua në një klinikë aty pranë, ku u konfirmua i vdekur.

Sipas asaj që raportojnë mediat e huaja, këngëtari kishte pësuar një atak masiv në zemër.

Ngjarja ndodhi në qytetin verilindor të Feira de Santana.

NEW – Brazilian gospel singer Pedro Henrique, 30, collapses and dies during a live performance — Daily Mailpic.twitter.com/evUXAz34nB

— Disclose.tv (@disclosetv) December 14, 2023

Henrique filloi të këndonte në moshën 3 vjeçare dhe filloi të performonte profesionalisht në vitin 2015 pasi postoi disa këngë në kanalin e tij në YouTube.

Ai iu bashkua një grupi lokal dhe publikoi një album, ‘Grande é o Senhor,’ gjatë tre viteve të tij me grupin.

Henrique u largua nga grupi në vitin 2019 dhe filloi një karrierë solo, duke publikuar këngën e tij të parë, ‘Não Falhou.’

LEXONI GJITHASHTU: 

• Përdhunuan 23-vjeçaren, lihen në burg babai i ish-deputetit dhe i moshuari tjetër
• Veto e Greqisë, Ngjela: E përkohshme, Athinën e shqetëson marrëdhënia Shqipëri-SHBA