VIDEO/ Policia e SHBA “ndalon” presidentin francez, Macron telefonon Trumpin

Presidenti francez Emmanuel Macron u bllokua për një moment nga policia në rrugët e New York City për shkak të kalimit të autokolonës së Donald Trump, sipas pamjeve të Brut.

Ai sapo kishte njoftuar njohjen e Shtetit të Palestinës kur makina e tij u ndalua nga policia në një kryqëzim, për shkak të mbylljes së rrugës për eskortën e presidentit amerikan Donald Trump.

Sipas mediave franceze, ngjarja ka ndodhur mes masave të rrepta të sigurisë në qytet, ndërsa të dy liderët ndodheshin në New York.

Sipas Le Parisien një oficer policie i ndalon kalimin: “Më vjen shumë keq, z. President, gjithçka është bllokuar aktualisht”, shkaku është prania e një “karvani”, sigurisht ai i Donald Trump.

Macron del nga automjeti dhe, me humor, i telefonon direkt Trump-it, duke i thënë:

“Si je? Po pres në rrugë, jam bllokuar në trafik sepse gjithçka është e mbyllur për shkakun tënd.”

Sipas mediave franceze, ngjarja ka ndodhur mes masave të rrepta të sigurisë në qytet, ndërsa të dy liderët ndodheshin në New York.

Kujtojmë që Macron njoftoi njohjen e “Shtetit të Palestinës” nga Franca të hënën, nga podiumi i OKB-së, duke u përpjekur të rrisë presionin mbi Izraelin për “paqe”, një veprim historik që mbetet kryesisht simbolik ndërsa Presidenti i SHBA, Donald Trump, pritet të flasë të martën.

LEXONI GJITHASHTU:

• Franca njeh zyrtarisht shtetin e Palestinës, Macron: Një hap drejt paqes
• Macron: Njohja e shtetit palestinez synon të izolojë Hamasin, e vetmja zgjidhje