VIDEO/ Prishjet në Vlorë, flet një nga pronarët: Nuk dalim nga banesat, duam lekët

Në lagjen “1 Maji” në Vlorë këtë të premte është janë shënuar momente tensioni mes banorëve, policisë dhe IKMT-së. Banorët kundërshtojnë prishjen duke thënë se nuk janë derdhur lekët e kërkuara.

Nga ana tjetër ata theksojnë se pronat e tyre janë me letra. Një nga banorët shprehet për Euronews Albania se nuk do të dal nga banesa deri sa derdhen të ardhurat që ata pretendojnë, sipas çmimit të tregut.

Ai shton se ka marrë vetëm 26 mln lekë të vjetra ndërkohë që fondi prej 18 mln eurosh i dëmshpërblimit sipas tij është derdhur. Ai shprehet se ndihet i pambrojtur, por do të vijojë rezistencën.

“Këta zotërinjtë, ne shtëpinë me dokumenta këta na e vinë na e prishin. Plus na kanë dhënë ca lekë dhe nuk blejmë dot shtëpi. Nuk dimë se ku të vemi, edhe nga shtëpitë nuk dalim ne. Si mund të dali ne nga shtëpia kur këta zotërinjtë na gënjenin ne. Ka filluar prishja. Ja këtij zotërisë ja prishën, me dokumenta ja hodhën në tokë. Çfarë qeverie është kjo, jemi të pambrojtur. Shtëpia me dokumenta këta e prishin. Fondi doli 18 mln, ku i çuan lekët këta . Na kanë hedhur një pjesë të lekëve. Na kanë hedhur 26 mln lekëm, ne kërkuam çmimin e tregut.“-tha një nga banorët.

Prishja e objekteve të banimit në Vlorë po ndodh në kuadër të projektit për hyrjen e re të portit të qytetit.

LEXONI GJITHASHTU: 

• VIDEO/ Tension në Vlorë, banorët kundërshtojnë shembjen e banesave
• IKMT vijon aksionin në Vlorë, shembet objekti i dytë i skualifikuar nga legalizimet