VIDEO| Protestuesit në Francë mësyjnë dhe djegin dyqanin e markës luksoze LVMH

Qindra mijëra njerëz demonstruan anembanë Francës të enjten, ndërsa sulmuan dhe dogjën dyqanin e kompanisë luksoze LVMH.

Grumbulli ishte në vazhdën e protestave kundër planeve të Emmanuel Macron për të rritur moshën minimale të pensionit nga 62 në 64 vjeç.

“Po kërkoni para për të financuar pensionet? Merreni nga xhepat e miliarderëve”, tha sindikalisti i Sud Rail Fabien Villedieu, ndërsa dyqani i LVMH u mbush me tym të kuq nga flakët.

Grupi luksoz, markat e të cilit përfshijnë Louis Vuitton dhe Christian Dior, është në pronësi të Bernard Arnault, personi më i pasur në botë, pasuria e të cilit i kalon 200 miliardë dollarë.

 

View this post on Instagram

 

A post shared by PERFECT (@theperfectmagazine)

Një makinë Mercedes dhe kazanët u dogjën në qytetin perëndimor të Rennes dhe protestuesit dhe policia u përleshën në Nante, një pikë tensioni në javët e fundit. Gaz lotsjellës u hodh në Rue de Rivoli në qendër të Parisit pas përleshjeve pranë një dyqani.

Presidenti francez është nën presion për të përcaktuar se si qeveria synon të qetësojë opinionin publik dhe të ecë përpara nëse ndryshimet jopopullore të pensioneve vërtetohen nga këshilli kushtetues të premten.

LEXONI GJITHASHTU:

• Vijojnë protestat në Francë për ligjin e reformës së pensioneve 
• Protestat në Francë, policia arreston 457 persona