VIDEO/ Qëlloi 2 anëtarët e Gardës Kombëtare, momenti i arrestimit të autorit në SHBA

Lidhur me plagosjen e rëndë ndaj dy anëtarëve të Gardës Kombëtare në SHBA, mësohet se tashmë është vënë në pranga autori i dyshuar i ngjarjes së rëndë.

Plagosja ka ndodhur pranë stacionit të metrosë Farragut West në qendër të Uashingtonit, rreth 1.5 kilometra larg Shtëpisë së Bardhë.

Njëkohësisht edhe Presidenti i SHBA-së ka reaguar nëpërmjet një deklarate publike, nga ku dënoi ashpër sulmin dhe premtoi se autori i dyshuar “do të përballet me pasojat më të rënda”.

“Kafsha që qëlloi dy ushtarët e Gardës Kombëtare, të dy të plagosur rëndë dhe tani në dy spitale të ndara, është gjithashtu e plagosur rëndë, por pavarësisht kësaj, do të paguajë një çmim shumë të lartë”, shkroi Trump në platformën e tij të mediave sociale të mërkurën pasdite. “Zoti e bekoftë Gardën tonë të Madhe Kombëtare dhe të gjithë ushtrinë dhe forcat e rendit. Këta janë vërtet njerëz të shkëlqyer. Unë, si President i Shteteve të Bashkuara, dhe të gjithë ata që janë të lidhur me Zyrën e Presidencës, jam me ju!”

Dy pjesëtarët e plagosur të Gardës Kombëtare ndodhen aktualisht në gjendje kritike, të shtruar në dy spitale të ndryshme. Autori i dyshuar gjithashtu raportohet të jetë i plagosur rëndë.