VIDEO/ Rama mbërrin në selinë e PS-së, dje i dorëzoi Begajt propozimet për ndryshimet në qeveri

Këto janë pamjet kur Kryeministri Edi Rama mbërrin në selinë e PS-së, aty ku prej orës 09:00 ka nisur mbledhjen me kryesinë e partisë. Mbledhja e kryesisë së PS-së zgjati vetëm 30 minuta, ndërsa Rama u largua duke biseduar me Kryetarin e Bashkisë së Shkodrës, Benet Beci.

Një ditë më parë, kreu i qeverisë i dorëzoi Kreut të Shtetit, Bajram Begajt, propozimet për ndryshimet e fundit në qeveri në takimin e zhvilluar në Pallatin e Brigadave.

“Presidenti i Republikës, Bajram Begaj, priti në takim Kryeministrin, Edi Rama. Kryeministri paraqiti në takim propozimet për ndryshimet në kabinetin qeveritar. Procedura kushtetuese parashikon 7 ditë afat për dekretimin e ministrave”, njoftoi Presidenca pas takimit.

Ndryshimet në qeveri:

Albana Koçiu – Zëvendëskryeministre (largohet Belinda Balluku)
Besfort Lamallari – Ministër i Brendshëm (largohet Albana Koçiu)
Ferit Hoxha – Ministër i Jashtëm (largohet Elisa Spiropali)
Enea Karakaçi – Ministër i Infrastrukturës (largohet Belinda Balluku)
Erjona Ismaili – Ministre për Marrëdhëniet me Parlamentin (largohet Toni Gogu)
Toni Gogu – Ministër i Drejtësisë (largohet Besfort Lamallari)
Ermal Nufi – Ministër i Mbrojtjes (largohet Pirro Vengu)