Moti i keq me erëra të forta dhe reshje shiu që ka shoqëruar terrtorin e Bashkisë Shkodër ka krijuar probleme ne segmentin rrugor Prekal – Kir.

Gjatë natës ka pasur rrëshqitje të mëdha të rrugës çka ka sjellë bllokimin e saj për automjetet.

Siç shihet dhe nga pamjet, masive shkëmbore dhe një pjesë e rrugës janë shembur totalisht, duke e bërë të pamundur kalimin në këtë aks.

Kreu i bashkisë së Shkodrës bën me dije se emergjencat civile ndodhen në terren dhe së bashku me firmën kontraktuese po punojnë për rikthimin  e një mundësia për arkullimin në këtë aks.

“Bashkia Shkodër ka vënë në dijeni strukturat e emergjencave civile dhe firmën kontraktuese për menaxhimin e kësaj situate ndërkohë që i bën thirrje banorëve që të bëjnë kujdes në këtë segment rrugor”, shkruan Beci në rrjete sociale.

LEXONI GJITHASHTU:

• Shi dhe erë e fortë, disa fshatra në Vaun e Dejës pa energji elektrike
• Përkeqësimi i motit, pezullohet lundrimi i mjeteve të vogla lundruese në Vlorë