Një aeroplan trajnimi ushtarak u rrëzua ditën e premte në Bullgari, në afërsi të bazës ajrore Graf Ignatievo në jug të vendit.

Ministri i Mbrojtjes Atanas Zaprjanov, konfirmoi se si pasojë e rrëzimit të aeroplanit ndërruan jetë dy pilotët që e drejtonin.

Avioni L-39 ZA, i pari i projektuar në ish-Çekosllovaki, po përdorej për praktikë për një shfaqje ajrore të planifikuar për këtë të shtunë.

Presidenti Rumen Radev, një ish-pilot luftarak dhe kreu i Forcave Ajrore, ishte bashkë-pilot në një fluturim demonstrues të avionit luftarak amerikan F-16 përpara rrëzimit. Shkaku i aksidentit po hetohet nga autoritete.

Vendi i ish-bllokut lindor është anëtar i NATO-s qe nga viti 2004. Më parë, ata ishin të armatosur dhe furnizuar kryesisht me pajisje të prodhimit sovjetik, dhe tani forcat e armatosura bullgare pajisen gjithnjë e më shumë me ekuivalentët perëndimor.