Ditën e sotme në Tiranë është mbajtur “Parada e Shqiptarëve”, ku është festuar 111 vjetori i Pavarësisë së Shqipërisë.
Në paradë kanë qenë të pranishme flamuj të shumtë shqiptarë, simbole kombëtare, këngë e valle dhe motorë e automjete të shumta të shqiptarëve nga të gjitha trevat.
Por ajo që bëri më shumë përshtypje ishte një i ri që ishte veshur si Skënderbeu dhe po imitonte heroin Kombëtar.
Ai ka udhëtuar sipër një kali dhe ka imituar Gjergj Kastriotin që ne e njohim nga historia e filmat.
“Sot është tamam dita e Gjergj Kastriot Skënderbeut, sepse është i pari që ngriti flamurin në 1443 dhe o sot o kurrë. Dal xhiro nga blloku. Mjekra është normale, por… Veshja është përshtatur, është një dizenjim i imi që e kam qepur vetë. Më është dashur goxha punë, sepse është diçka e qepur me dorë. Ne jemi një grup shokësh që kemi kuaj dhe… Parada shumë e bukur, ishte bashkia që na ftoi dhe është krenari për mua që të prij paradën e gjithë shqiptarëve kudo në botë. Atë që nuk e ka bërë kinematografia shqiptare, e kam bërë unë. Edhe përkrenarja është e bërë nga unë. Janë imitime që i përshtaten më së miri portretit. Kostumi më ka marrë rreth 6 muaj. Unë vij nga një karrierë ushtarake. Kjo është një gjë që përdoret në forcat ushtarake”, është shprehur ai për Euronews Albania.
Kujtojmë se ditën e sotme Shqipëria feston 111 vjetorin e Pavarësisë nga Perandoria Osmane, e cila mbajti të pushtuar vendin tonë për rreth 500 vite.
LEXONI GJITHASHTU:
- Kamberi: Shqiptarët në Preshevë të shpërndarë, kur ngre zërin më kritikojnë
- Shaip Kamberi: Nëse valëvit flamurin shqiptar në Preshevë, përballesh me pasoja
