VIDEO/ Të shtëna me armë zjarri gjatë intervistës së ish-futbollistit të Barcelonës

Ish-mesfushori i Barcelonës, Philippe Coutinho është përballur me një situatë të çuditshme gjatë një interviste me gazetarët e Globo në qendrën stërvitore Moacyr Barbosa.

Sipas raportit të Globo, gjatë xhirimeve ka pasur dy herë të shtëna me armë zjarri në zonën Cidade de Deus, një lagje në Zonën Perëndimore të Rio de Janeiro ku ndodhet qendra sportive e klubit Vasco da Gama, skuadra ku luan Coutinho aktualisht.

Ky moment është shpërndarë me shpejtësi në rrjetet sociale, me Coutinhon që buzëqesh i vetëdijshëm dhe mbase i mësuar me episode të këtij lloji. Siç raportoi klubi ku ai luan, Vasco da Gama, zona është skenë e operacioneve të vazhdueshme policore dhe për këtë arsye një situatë e tillë është bërë pothuajse “normale”.

Rikujtojmë që Coutinho ka luajtur për shumë vite në Europë, te disa skuadra të rëndësishme si Inter Milan, Liverpool, Barcelona, Bayern Munich, Aston Villa etj.

LEXONI GJITHASHTU:

• Portugalia triumfon 4-0 ndaj Shqipërisë në ndeshjen hapëse të Euro U-17
• Evropiani U-17 për herë të parë në Shqipëri, Kombëtarja sfidon Portugalinë