VIDEO/ Trajneri i Brazilit humb nënën para sfidës vendimtare, por qëndron në pankinë

Një ngjarje e dhimbshme shënoi Botërorin e volejbollit, kur trajneri i Brazilit, Bernardinho, mori lajmin tragjik për ndarjen nga jeta të nënës së tij 90-vjeçare, vetëm pak minuta para sfidës vendimtare kundër Serbisë.

Emocionet e forta e kapërcyen dhe ai shpërtheu në lot, duke shfaqur dhimbjen e thellë që po përjetonte.

Megjithatë, tekniku vendosi të mos tërhiqej, duke zgjedhur të qëndronte në pankinë. Gjatë gjithë kohës ai mbushej me lot, ndërsa përpiqej të tregonte forcë dhe respekt për fanellën që përfaqësonte.

Pavarësisht se Brazili u mposht në këtë ndeshje, vendosmëria e Bernardinhos për të udhëhequr skuadrën në një moment kaq të vështirë preku jo vetëm lojtarët e tij, por edhe gjithë të pranishmit në sallë, duke treguar se edhe në botën e sportit, mbi gjithçka qëndron humaniteti.

meu deus gente que dó 😭 pic.twitter.com/HJ2YEdk3Y1

— fab. (@montibelir) September 18, 2025