VIDEO| U vra në atentatin në Shkodër, si u kërcënua një muaj më parë Arlind Bushati

Arlind Bushati djali i ish-kandiatit për kryebashkiak të Shkodrës Xhemal Bushatit, u vra ditën e djeshme në një atentat kundër tij dhe Hamza Licit, gjithashtu viktimë e atentatit. Kujtojme se Arlind Bushati para tre javësh kishte denoncuar një kërcënim të bërë ndaj tij.

32-vjeçari denoncoi më 11 tetor 2024 në polici se persona të paidentifikuar që qarkullonin me motor i drejtuan armën 32-vjeçarit afër një lokali në pedonalen e Shkodrës, ku ka pasur edhe shumë qytetarë të tjerë në lokal.

Euroneës Albania ka publikuar një video të kësaj ngjarje të marrë nga kamerat e sigurisë të një lokali. Në video dallohen dy persona që lëvizin me motor, personi që qëndron pas ngre krahun në drejtim të lokalit.

Ai dyshohet të ketë pasur pistoletë dhe ia ka drejtuar atë Arlind Bushatit. Në këtë moment persona të ndodhur në lokalet në pedonale duket se largohen me vrap.

I ftuar në Euronews Albania, Shemsi Prençi ish-drejtor i policisë tha se kjo video nuk ka dalë nga policia, pasi sipas tij nëse policia do kishte bërë punën e saj ajo do të mund të kishte marrë masa dhe të kishte parandaluar atentatin e bërë ditën e djeshme në Dobraç të Shkodrës ku mbetën viktima, Arlind Bushati, Hamza Lici, dhe kalimtarja Flutura Basha ndërsa është ende në gjendje të rëndë bashkëshorti i saj Bashkim Basha.

LEXONI GJITHASHTU:

• Atentati në Shkodër, Hamza Lici dhe Arlind Bushati kishin 3 pistoleta me vete
• Masakra në Dobraç, Sali Berisha njofton mbajtjen e një proteste në Shkodër