VIDEO/ Zjarr me shpërthime municionesh në Çole, fëmijët largohen me panik

Të martën pasdite, një sipërfaqe me shkurre dhe pemë mori flakë pranë shkollës “Mario Posio” në lagjen Çole të Vlorës. Nga zjarri u dëgjuan disa shpërthime të forta, që dyshohet se vijnë nga municione të vjetra të pranishme në terren, duke shkaktuar panik dhe frikë tek banorët e zonës.

Fëmijët që po luanin në fushën pranë shkollës u larguan me vrap, ndërsa prindërit dhe banorët njoftuan menjëherë zjarrfikësit.

Forcat e zjarrfikësve dhe policia mbërritën në vendngjarje, ku po punojnë për shuarjen e flakëve dhe për të parandaluar çdo rrezik të mëtejshëm.