Videoja e të burgosurit që i pritet koka, Ukraina nis hetimet

Shërbimi i Sigurisë së Ukrainës (SBU) ka bërë të ditur se ka nisur një hetim lidhur me një video të publikuar në rrjete sociale, ku pretendohet se shihet një i burgosur ukrainas i luftës teksa i pritet koka.

SBU-ja njoftoi për nisjen e hetimeve të mërkurën, më 12 prill, pasi presidenti ukrainas Volodymyr Zelensky i cilësoi forcat ruse si “bisha”, teksa komentoi këtë video.

Kremlini e quajti videon “të tmerrshme”, por shtoi se vërtetësia e saj duhet të verifikohet pasi “ne jetojmë në një botë falsifikimesh”, raporton REL.

“Ka diçka që askush në botë nuk mund ta injorojë: sa lehtë vrasin këto bisha. Ne nuk do të harrojmë asgjë, as nuk do t’i falim vrasësit”, tha Zelensky në një video-mesazh të publikuar në Twitter, më 12 prill.

SBU-ja tha se përmes hetimit do të përpiqet të zbulojë nëse ka pasur shkelje të rregullave të luftës që thonë se “të burgosurit e luftës duhet gjithmonë të trajtohen njerëzisht”.

LEXONI GJITHASHTU:

• Ukraina: Ditën e kaluar kemi zmbrapsur mbi 70 sulme ruse
• Forcat ruse në Krime, përgatitje për një sulm të mundshëm nga Ukraina