Vidhte farmacitë gjatë natës, arrestohet 37-vjeçari në Tiranë

Një 37-vjeçar është arrestuar nga policia e Tiranës, pasi dyshohet si autor i disa vjedhjeve në disa farmaci të Tiranës gjatë muajve të fundit.

Nga grupi hetmor u provua se 37-vjeçari i kryente vjedhjet e tij gjatë natës, duke marrë me forcë paratë te kasa pavarasisht rezistencës së farmacisteve.

Në cilësinë e provës materiale u sekuestruan veshje të cilat dyshohet se autori i ka përdorur gjatë kryerjes së vjedhjeve.

Materialet i kaluan prokurorisë për veprime të mëtejshme.

“Si rezultat i këtij operacioni u vu në pranga shtetasi E. B., 37 vjeç, banues në Tiranë, për veprën penale “Vjedhja”.

Nga veprimet hetimore ka rezultuar se ky shtetas ka kryer disa vjedhje, gjatë muajve të fundit, në disa farmaci në Tiranë. 3 prej këtyre vjedhjeve janë dokumentuar me prova ligjore, konkretisht:

– Më datë 31.01.2023 dhe më datë 19.03.2023, ka vjedhur shuma të ndryshme parash, në një farmaci, në rrugën “Teodor Keko”;

– Më datë 23.04.2023, ka vjedhur një shumë parash, në një farmaci, në rrugën “Loni Ligori”, njofton policia.

LEXO GJITHASHTU:

• Pse u vra e reja afrikane? Flet italiani që e strehoi: Polici e qëlloi në kufi
• 23-vjeçarja afrikane vritet nga policia në Maqedoninë e Veriut
• Ekzekutimi i Fatmatës, avokati: Maqedonia ka polici të egër, ne s’vrasim emigrantë