Vijon pezullimi, Rusia mbetet jashtë edhe për kualifikueset e Kupës së Botës 2026

UEFA dhe FIFA janë të vendosura të konfirmojnë se Kombëtarja e Rusisë do mbetet e pezulluar nga garat ndërkombëtare. Vendimi i marrë fillimisht në shkurt të vitit 2022 pas pushtimit rus të Ukrainës,  tani është zgjeruar për të përfshirë dhe kualifikueset e Kupës së Botës 2026 .

Sipas gazetës ruse “Sports Expressen”, një burim nga Federata e Futbollit të vendit konfirmoi vazhdimin e ndalimit. Kjo do të thotë se Rusia nuk do të jetë në mesin e 54 vendeve të UEFA-s që do të marrin pjesë në shortin e kualifikimeve më 13 dhjetor, ku skuadrat do të ndahen në 12 grupe që do të konkurrojnë për 16 vende të drejtpërdrejta në Kupën e Botës.

Që nga fillimi i konfliktit, FIFA dhe UEFA kanë përjashtuar të gjitha ekipet ruse, kombëtare dhe klube, meshkuj dhe femra, nga turnetë ndërkombëtare. Kjo shënon kompeticionin e tretë të madh që Rusia do të mungojë pasi u përjashtua nga Kupa e Botës 2022 në Katar dhe Kampionati Evropian 2024 në Gjermani .

Mungesa e vazhdueshme e Rusisë nënvizon pasojat e gjera të konfliktit gjeopolitik në pjesëmarrjen e vendit në sportet globale.

• Genoa planifikon të shkarkojë Gilardinon dhe të emërojë Vieiran
• Kosova në sfidën përmbyllëse ndaj Lituanisë, Dardanët me “sytë” drejt UEFA-s