Vijon prej 24 orësh zjarri në fabrikën Kurum, ndotje katastrofike në ambient

Prej paradites së të hënës, re të mëdha tymi toksik çlirohen nga ambientet e grumbullimit të skrapit në kompaninë Kurum në qytetin e Elbasanit, duke shkaktuar ndotje katastrofike në ambient.

Flakët vazhdojnë prej më shumë se 20 orësh ku midis materialeve që digjen janë bateri makinash, vajra dhe materiale të tjera duke çliruar toksina në ambient.

Zjarri nisi dje rreth orës 11:15, në një pikë për grumbullimin e skrapit, në Kurum. Shkak i zjarrit dyshohet të jetë bërë shkëndijë e krijuar si pasojë e fërkimit të mbetjeve metalike.

LEXONI GJITHASHTU:

• VIDEO| Merr përmasa të mëdha zjarri në ambientet e Kurum
• Përfshihet nga flakët pika e skrapit pranë fabrikës Kurum, shtullunga të mëdha tymi