Vijon procesi i numërimit të votave vetëm në Tiranë e Kurbin, ka incidente

Procesi i numërimit të votave të zgjedhjeve lokale vijon vetëm në Tiranë e Kurbin. Në pjesën tjetër të vendit ky proces ka përfunduar dhe Partia Socialiste ka fituar pjesën më të madhe të bashkive.

Duke marrë parasysh historikun e numërimit në Tiranë ishte e pritshme që rezultati të merrej rreth 2 ditë pas votimit, por në Kurbin është e papritur duke qenë se bëhet fjalë për një bashki të vogël.

Në këtë zonë është raportuar për incidente që rrjedhimisht kanë shtyrë procesin. Sipas përditësimit të Komisionit Qendror të Zgjedhjeve ka mbetur vetëm një kuti për të shpallur rezultatin përfundimtar.

Deri tani, 10.667 vota ka grumbulluar Behar Haxhiu nga koalicioni “Bashkë Fitojmë”, ndërsa kryeson Majlinda Cara e Partisë Socialiste me 11.234 vota.

LEXONI GJITHASHTU:

• Vijon numërimi në Tiranë, gazetarja Shehu raporton nga njësia më e madhe
• Tensione në qendrën e numërimit në Kurbin, KQZ dërgon një inspektor