Vijon numërimi në Tiranë, gazetarja Shehu raporton nga njësia më e madhe

Gazetarja e Euronews Albania, Eksiola Shehu raportoi nga njësia nr. 5 në shkollën “Vasil Shanto”, aty ku vijon numërimi i kutive të fundit të votimit.

Ajo tregoi se në këtë KZAZ, që është më e madhja në qytet, kishte një ndërprerje prej disa orëshe, ndërsa tashmë puna po vijon pa ndërprerje edhe me urdhër të Kryekomisionerit Shtetëror të Zgjedhjeve, Ilirjan Celibashit.

Deri më tani grupet e numërimit në KZAZ-në nr.35 në Tiranë raportojnë se kanë numëruar 80 kuti nga 94 që janë në total.

“Kanë mbetur vetëm 14 kuti. Në avantazh është kandidati i Partisë Socialiste, Erion Veliaj dhe diferenca me kandidatin e koalicionit ‘Bashkë Fitojmë’ është rreth 4 mijë vota,” – raportoi Shehu.

LEXONI GJITHASHTU:

• Rritet diferenca në Tiranë, kryeson PS me mbi 50 mijë vota
• Rezultatet paraprake për Tiranën, “Lëvizja Bashkë” ia kalon PD