Vinin baste në një lokal në Pogradec, arrestohen 2 persona

Pronari i një lokali në Pogradec ku zhvilloheshin lojëra fati është arrestuar. Për këtë rast ka rënë në pranga dhe një tjetër qytetar.

2 celularë që përdoreshin për vënien e basteve janë sekuestruar.

“Specialistët e Seksionit për Hetimin e Krimeve të Komisariatit të Policisë Pogradec, në vijim të operacionit të koduar “Basti i fundit”, për goditjen e informalitetit dhe veprimtarisë të kundërligjshme në fushën e lojërave të fatit, arrestuan në flagrancë shtetasit P. J., 58 vjeç dhe Y. K., 61 vjeç, banues në Pogradec, pasi gjatë kontrollit të ushtruar nga shërbimet e Policisë, në lagjen nr. 3, Pogradec, në lokalin e 61-vjeçarit, u gjetën dhe sekuestruan në cilësinë e provës materiale 2 aparate celulare që dyshohet se përdoreshin nga këta dy shtetas, për vënien e basteve sportive,” – thuhet në njoftimin e policisë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

LEXONI GJITHASHTU:

• Pogradec/ Pak para stuhisë së shiut, qielli zbardhet nga shkarkimet e rrufeve
• Sherr në Pogradec, konfliktohen katër persona, dy goditen me shkop bejsbolli