Vritet 40-vjeçarja shqiptare në Greqi, më parë kishte denoncuar partnerin për dhunë

Një 40-vjeçare shqiptare është gjetur e vdekur mëngjesin e së enjtes në mes të rrugës në Menidi të Greqisë.

Sipas burimeve nga mediat e huaja, gruaja u gjet e vrarë me një thikë në bark.

Sipas informacioneve, nga të dhënat e para të mbledhura nga Policia greke, rezulton se 40-vjeçarja gjatë javës së Pashkëve u ishte drejtuar autoriteteve dhe kishte denoncuar bashkëshortin e saj të larguar për dhunë në familje.

Në atë kohë, oficerët i kishin ofruar ‘butonin e panikut’ dhe e informuan se nëse donte, mund ta çonin në një banesë tjetër, të cilën ajo e refuzoi.

Policia po punon për kapjen e bashkëshortit të saj, megjithëse ende nuk dihet nëse e ka kryer ai krimin dhe për zbardhjen e plotë të ngjarjes.

LEXONI GJITHASHTU:

• Greqi| Atentat me armë zjarri ndaj 2 shqiptarëve, vritet burri, plagoset gruaja
• Një grua vritet nga bashkëshorti i saj në Pejë