EMRI| Vritet me armë zjarri 52-vjeçari në Burrel

Një 52-vjeçar në Burrel është vrarë me armë zjarri nga një 62-vjeçar.

Sipas burimeve, mësohet se viktima është shtetasi Petrit Kuka, ndërsa autori i vrasjes Islam Meta.

Sipas Policisë, pas vrasjes Meta ka njoftuar Policinë për t’u vetëdorëzuar.

Ndërkohë nga hetimet paraprake, dyshohet se ngjarja ka ndodhur pasi viktima në vitin 2013 i kishte plagosur vajzën autorit Meta, për motive të dobta.

Njoftimi i Policisë:

Mat-Më datë 21.01.2024, në fshatin Vig, në Burrel, shtetasi I. M., rreth 63 vjeç, ka vrarë me armë  gjahu shtetasin P. K, rreth 52 vjeç.

Autori i dyshuar i kësaj ngjarje, pasi ka kryer krimin ka telefonuar Policinë dhe ka treguar mbi rrethanat e ngjarjes dhe më pas ka kërkuar të vetëdorëzohet.

Nga hetimet paraprake të kryera dyshohet se ngjarja ka ndodhur për arsye se, viktima shtetasi P.K., në vitin 2013, për motive të dobëta ka plagosur vajzën e shtetasit I.M.

Shërbimet e Policisë kanë shkuar menjëherë në vendngjarje dhe po bëjnë shoqërimin e shtetasit I.M, në komisariat.

Grupi hetimor nën drejtimin e Prokurorisë po punon për zbardhjen e plotë të rrethanave të ngjarjes.

LEXONI GJITHASHTU:

• Prokuroria mbyll hetimet, çon në Gjykatë dosjen për vrasjen e 20-vjeçarit
• I akuzuar për vrasje në Elbasan|Arrestohet në Londër Donald Hoxha, pritet ekstradimi