Viti 2025: Të rinjtë objektiva – më shumë palestër, udhëtime, më pak rrjete sociale

Sondazhi i fundvitit i DataCentrum – Barometri – Euronews Albania ka pyetur qytetarët lidhur me objektiva të ndryshme lidhur me vitin 2025. Katër nga objektivat kanë qenë të bërit më shumë palestër/sporte, zhvillimi i një hobi të ri, më shumë udhëtime dhe më pak kohë e shpenzuar në rrjetet sociale. Në të katër objektivat të rinjtë 18-24 dhe 25-34 vjeç dallojnë shumë nga grupmoshat e tjera.

Të pyetur: “Çfarë objektivash i keni vënë vetes për vitin 2025 – palestër/sport/ecje, 30.8% e qytetarëve janë përgjigjur se e kanë si objektiv dhe 67.9% e qytetarëve janë përgjigjur se nuk e kanë si objektiv. Këtë objektiv e kanë 53% e atyre që janë 18-24 vjeç dhe 46.1% e atyre që janë 25-34 vjeç. Ndërkohë që me rritjen e moshës ky objektiv është më pak i shprehur në grupmoshat e tjera.

Të pyetur: “Çfarë objektivash i keni vënë vetes për vitin 2025 – Të mësoj hobi/aftësi të re, 26.9% e qytetarëve janë përgjigjur se e kanë si objektiv dhe 71.4% e tyre janë përgjigjur se nuk e kanë si objektiv. Këtë objektiv e kanë 47.7% e atyre që janë 18-24 vjeç dhe 43.4% e atyre që janë 25-34 vjeç. Ndërkohë që me rritjen e moshës ky objektiv është më pak i shprehur në grupmoshat e tjera.

Të pyetur: “Çfarë objektivash i keni vënë vetes për vitin 2025 – Të udhëtoj më shumë”, 47.9% e qytetarëve e kanë si objektiv dhe 50.5% e tyre janë përgjigjur se nuk e kanë si objektiv. Këtë objektiv e kanë 64% e të rinjve që janë 18-24 vjeç, 62.8% e atyre që janë 25-34 vjeç dhe 55.8% e atyre që janë 35-44 vjeç. Ndërkohë që me rritjen e moshës ky objektiv është më pak i shprehur në grupmoshat e tjera.

Të pyetur: “Çfarë objektivash i keni vënë vetes për vitin 2025 – Më pak kohë e shpenzuar në rrjetet sociale” 26.5% e qytetarëve e kanë si objektiv dhe 68.7% e qytetarëve të pyetur nuk e kanë si objektiv. Këtë objektiv e kanë 43% e atyre që janë 18-24 vjeç, 34.8% e atyre që janë 25-34 vjeç dhe 32.9% e atyre që janë 35-44 vjeç. Ndërkohë që me rritjen e moshës ky objektiv është më pak i shprehur në grupmoshat e tjera.