Vizita e Blinken, Rama: Domethënie e veçantë për vendin në kohë të trazuar në botë

Kreu i qeverisë Edi Rama, në një deklaratë për mediat pas mbledhjes së Asamblesë së PS-së tha se diskutimet ishin të shumta.

Ai komentoi dhe ardhjen e Sekretarit të Shtetit Amerikan, Antony Blinken në Tiranë duke thënë se ka një domethënie të veçantë, për vetë faktin se bota ndodhet në një situatë të vështirë.

Mes tjerash ai nënvizoi se vizita e tij në Tiranë tregon se çfarë përfaqëson Shqipëria në sytë e aleatëve tanë strategjikë.

“Ardhja e Blinken ka një domethënie të veçantë, në kontekstin që sot ndodhet Europa dhe bota, për kohën shumë të ngarkuar të një sekretari shteti. Fakti që gjen të nevojshme dhe ndalet në kryeqytetin shqiptar, si pikë referimi për rajonin, flet në mënyrë të posaçme se ku e kemi ngritur Shqipërinë dhe se çfarë përfaqëson Shqipëria në sytë e aleatëve tanë strategjikë, lidhur me këtë rajon, ku me krenari e them se Shqipëria është forca e shembullit për të ndërtuar paqen, rrugën e bashkëpunimit, për të ndërtuar një të ardhme të përbashkët dhe për t’u ndalur te një e kaluar e mbushur me tragjedi dhe prapambetje dhe e mbushur me raste të pafundme të humbura për t’i lënë një vend më të mirë gjeneratave të reja”-tha ai.

LEXONI GJITHASHTU: 

• “Kemi pasur qasje vetë-kritike”, Rama zbulon detaje nga mbledhja e Asamblesë së PS
• Vlorë siguria ushqimore/ Ushqime të pasigurta. AKU gjobit 40 subjekte