Vizita e Ramës në Angli, gazetari: Shqiptarët presin zbutje të retorikës

Kryeministri Edi Rama ndodhet sot në Londër për një vizite zyrtare.

Gjatë ditës së sotme kreu i qeverisë shqiptare pritet të takohet dhe me kryeministrin e Britanisë, Rishi Sunak.

Martin Kiri, gazetar shqiptar në Angli tha në një intervistë për Euronews Albania se vizita e Ramës është pritur mirë nga shqiptarët që jetojnë  në këtë vend.

Sipas tij, komuniteti shqiptar atje pret që të ketë rezultate konkrete në dhënien fund të retorikës antishqiptare nga qeveria dhe media në këtë vend.

“Ajo që presin shqiptarët është që të ketë diçka më tej, të ketë diçka që Shqipëria do marrë në këmbim. Ajo që pritet është të finalizohet që t’i jepet fund retorikës kundër shqiptarëve në qeverinë dhe mediat britanike”, tha gazetari.

LEXONI GJITHASHTU:

• Rama pritet nga kreu i Kuvendit në Britani: Keqardhje për retorikën ndaj shqiptarëve
• Berisha: Ahmetaj të bëhet i penduar, të tregojë si i bëri presion Rama