Rama pritet nga kreu i Kuvendit në Britani: Keqardhje për retorikën ndaj shqiptarëve

Kryeministri Edi Rama ndodhet sot në Londër për një vizite zyrtare.

Kreu i qeverisë shqiptare është takuar me kreun e parlamentit të Britanisë, Lindsay Hoyle me të cilin ka diskutuar për marrëdhëniet mes dy vendeve dhe bashkëpunimin parlamentar.

“Lindsay Hoyle, i cili shprehu keqardhje për retorikën shqetësuese ndaj shqiptarëve dhe duke nënvizuar domosdoshmërinë e luftës së përbashkët kundër rrjeteve kriminale, theksoi vlerat e pamohueshme të komunitetit shqiptar në Britani, si edhe ngriti lart rolin e Shqipërisë në arenën ndërkombëtare”, thuhet në postimin e publikuar në faqen e kryeministrit Rama në Facebook.

Gjatë ditës së sotme kreu i qeverisë shqiptare pritet të takohet dhe me kryeministrin e Britanisë, Rishi Sunak.

Në vizitën e tij në Londër, Rama shoqërohet nga ministrja e Financave Delina Ibrahimaj, ministri i Brendshëm Bledi Çuçi dhe ambasadori britanik në Tiranë, Alastair King-Smith.

LEXONI GJITHASHTU:

• Rama në BBC: Shqiptarët nuk lidhen vetëm me varkat e paligjshme dhe krimin
• Rama takim me Sunak në Londër, deputeti i PS-së zbulon se çfarë do të diskutohet