“Vjedhje, vjedhje”, Rama i përgjigjet opozitës: Bërtet hajduti kapeni hajdutin

Kryeministri Edi Rama i është përgjigjur kreut të PD-së Sali Berisha, i cili nga Shkodra akuzoi  qeverinë për keqmenaxhimin e zonave që rrezikohen të përmbyten.

Në një postim që ka bërë në rrjetin social Twitter, Rama tha se opozita ka vjedhur aq shumë, sa tani shohin vetëm vjedhje pas çdo gjëje.

“Si është e mundur që sa gdhihen e deri kur ngrysen bërtasin veç “Vjedhje! Vjedhje! Vjedhje”?! Sepse më shumë se kushdo është hajduti që bërtet kapeni hajdutin dhe këta kanë vjedhur aq shumë sa veç vjedhje shohin pas çdo gjëje”.- shkruan ai.

Berisha i cili ndodhet në Shkodër për të parë nga afër situatën nga përmbytjet u shpreh se kryeministria Rama dhe ministrja Balluku urdhëruan hapjen e qëllimshme të portës në Vaun e Dejës për të vijuar me vjedhjen e energjisë.

LEXONI GJITHASHTU: 

• Spahia: S’kemi pasur informacion për hapjen e portave të hidrocentraleve
• “S’njoh as Ramë, as Berishë e Metë”, revoltohet kryeplaku në Obot: S’kemi ndihmë!