Vjeshtë “e artë” në muzeun e Onufrit, turistët “pushtojnë” Beratin

Numri i turistëve në qytetin e Beratit ka kaluar pritshmëritë, duke shënuar një rritje me 30% krahasuar me një vit më parë. Janë kryesisht turistë polakë dhe spanjollë që po zgjedhin qytetin e një mbi një dritareve edhe gjatë vjeshtës.

Berati vijon të ketë një numër të lartë turistësh, edhe pse jemi në ditët e para të nëntorit. Atraksioni që po tërheq me dhjetëra turistë në vjeshtë është muzeu i Onufrit, i cili regjistron një rritje me 30% krahasuar me vitin e kaluar. Sipas Arjan Shkëmbit, specialist pranë qendrës muzeore, numri i turistëve në muzeun e Onufrit do vijojë të rritet.

Edhe përgjatë këtij viti, Berati u vizitua më së shumti nga turistët polakë dhe spanjollë.

Sipas statistikave të Bashkisë së Beratit dhe zyrave turistike, numri i vizitorëve në qytetin e një mbi një dritareve gjatë periudhës janar-tetor është rreth 900 mijë.

LEXONI GJITHASHTU:

• Ngjarje e rëndë në SHBA, shqiptari vret gruan në sy të vajzës dhe prindërve
• Çelet ekspozita “Mangalem”, Pashk Përvathi zbulon lidhjen e hershme me Beratin