Vjosa Osmani: Ndërhyrja e Serbisë në zgjedhjet lokale goditi zemrën e demokracisë

Presidentja e Kosovës, Vjosa Osmani, në një postim në platformën X këtë të mërkurë, ka ndarë çështjet dhe pikat që ka diskutuar me të Dërguarën Speciale të Mbretërisë së Bashkuar në Ballkanin Perëndimor, Dame Karen Pierce.

Ajo është shprehur se një nga çështjet që ka diskutuar janë zgjedhjet e fundit lokale në Kosovë, lidhur me ndërhyrjen e paligjshme të Serbisë.

“Diskutuam zgjedhjet e fundit lokale në Kosovë, një ushtrim i rëndësishëm demokratik që tregoi edhe një herë profesionalizmin e institucioneve tona dhe angazhimin e qytetarëve ndaj demokracisë. Ngrita shqetësim të madh për ndërhyrjen e paligjshme të Serbisë në zgjedhjet tona, përmes veprimeve që godasin vetë zemrën e demokracisë.

Një sjellje e tillë destabilizuese duhet të përballet me një përgjigje të qartë dhe të bashkuar nga të gjithë partnerët tanë ndërkombëtarë. Gjithashtu, diskutuam hapat e ardhshëm drejt formimit të Qeverisë dhe avancimit të axhendës sonë të përbashkët strategjike dypalëshe,” është shprehur Osmani.

LEXONI GJITHASHTU:

• Ursula von der Leyen viziton sot Kosovën, takime me Osmanin dhe Kurtin
• Vjosa Osmani nderohet me Çmimin e NATO-s për Gratë, Paqen dhe Sigurinë