Osmani uron Donald Trumpin për fitoren: Mezi pres të punoj me administratën e re

Presidentja e Kosovës, Vjosa Osmani, përshëndeti fitoren e Donald Trump në zgjedhjet presidenciale amerikane.

Përmes një postimi në rrjetin social “X” Osmani uron në emër të të gjithë popullit të Kosovës Trump dhe zëvendësin e tij Vance për fitoren.

Osmani vlerëson marrëdhëniet SHBA-Kosovë dhe nënvizon se mezi pret të punojë me administratën e re për të thelluar marrëdhëniet mes dy vendeve.

“Në emër të popullit të Republikës së Kosovës, shpreh urimet tona të përzemërta për Donald Trump dhe james David Vance për zgjedhjen e tyre si President dhe Zëvendës President të Shteteve të Bashkuara.

SHBA-ja mbetet partneri i palëkundur dhe aleati i pazëvendësueshëm i Kosovës. Pres me padurim të punoj me Administratën e re për të thelluar më tej lidhjen tonë të veçantë dhe aleancën strategjike.

Zoti e bekoftë Amerikën, liderin e botës së lirë!”, shkruan Osmani në “X”.