Gjykata Kushtetuese ka shtyrë seancën për shqyrtimin e padisë së Partisë Demokratike kundër VKM për operacionet ndaj ndërtimeve pa leje.

Shkak është bërë kërkesa nga ana e Gjykatës një autorizim me firmë i të gjithë 28 deputetëve që kanë firmosur kërkesën për palën që do t’i përfaqësojë.

Në tetor të vitit të kaluar, PD depozitoi në Gjykatën Kushtetuese nismë e firmosur nga 28 deputetë ku kërkohej shfuqizimi i Vendimit të Këshillit të Ministrave për konfiskimin e ndërtimeve pa leje, duke e konsideruar si një vendim që favorizon ndërtuesit e mëdhenj.

Këshilli i Ministrave ka miratuar vendimin për konfiskimin e ndërtimeve pa leje, përmes së cilit pronarët e pallateve ose duhet ta blejnë ndërtimin pa leje me çmimi tregu dhe në këtë mënyrë u legalizohet, ose ia dhurojnë shtetit. Në të kundërt ndërtimet do të sekuestrohen.

LEXONI GJITHASHTU:

• Veliaj përballë premtimit të 2015-tës për ndërtimet: Ja çfarë thotë pas 8 viteve
• Ndërtimet në Tiranë, 1.6 mld euro para të pista u bënë beton