Vlorë, banorët e Skelës përplasen me IKMT, shkuan t’i shembin banesën

Inspektorati i Mbrojtjes së Territorit ka zbarkuar në zonën e Skelës mëngjesin e ditës së sotme për të shembur një ndërtesë dykatëshe ku jetonin 7 familje.

Gazetarja e Euronews Albania, Ebrieta Maçaj raportoi se vendimi për shembjen e kësaj godine është miratuar në vitin 2017 dhe shpronësimi i familjeve që jetonin aty është bërë në 2020.

Por banorët janë ankuar se vlera e shpronësimit është larg vlerës së tregut të banesave në qytetin e Vlorës.

Banorët ishin njoftuar për vendimin dhe datën e shembjes, por ndërkohë që një pjesë i kishin hequr mobiliet dhe sendet e tyre, një pjesë tjetër kanë refuzuar ta bëjnë këtë duke u konfrontuar me policinë.

LEXONI GJITHASHTU:

• Caktohet drejtuesi i ri i IKMT, Agim Ismaili zëvendëson Dallandyshe Bicin
• Unaza e Madhe e Tiranës, IKMT nis prishjen e 11 objekteve