Vlorë: Koncert madhështor në Bulevardin “Ismail Qemali”, mijëra qytetarë në festë

Vlora është mbushur sot me atmosferë festive teksa mijëra qytetarë janë mbledhur në bulevardin “Ismail Qemali” për të festuar 28 Nëntorin, Ditën e Pavarësisë dhe Ditën e Flamurit.

Koncerti i organizuar në zemër të qytetit ka sjellë emocion, muzikë, valle dhe një energji të veçantë, duke kthyer bulevardin në një skenë të madhe ku flamuri kuqezi valëvitet kudo.

Qytetarë të të gjitha moshave, familje dhe të rinj, janë bërë pjesë e festimeve, duke mbajtur në duar flamuj kombëtar dhe duke shijuar performancat artistike të këngëtarëve dhe grupeve të folklorit.

Tingujt e muzikës patriotike dhe ritmet popullore kanë bërë që në gjithë zonën të mbizotërojë një atmosferë gëzimi dhe krenarie kombëtare.

LEXONI GJITHASHTU:

• VIDEO/ Bori dhe flakadanë, Vlora feston 28 Nëntorin me atmosferë të jashtëzakonshme
• VIDEO/ “28 nëntori”, Ardita Sinani vendos flamurin shqiptar në komunën e Preshevës