Vodhën makinën në Vlorë, dy të rinjtë bien në pranga pas pak minutash

Dy të rinj janë shoqëruar në komisariatin e policisë në Vlorë, pasi u kapën duke udhëtuar me një makinë e cila ishte raportuar e vjedhur vetëm pak më parë.

Automjeti u vodh në Plazhin e Ri në Vlorë ndërsa  reagimi në kohë i policisë, bëri të mundur bllokimin pas disa minutash të automjetit të vjedhur.

Njoftimi i policisë:

Policia shoqëroi një 22-vjeçar që ishte në timon dhe një 18-vjeçar që ishte pasagjer në automjetin e vjedhur.

Policia morri njoftim për vjedhjen e një mjeti në pronësi të shtetasit S. G., në afërsi të “Plazh i Ri”, Vlorë.

Shërbimet e Komisariatit të Policisë Vlorë dhe forcat Shqiponja falë reagimit në kohë, pas disa minutash kërkime bënë të mundur bllokimin e automjetit, në të cilin drejtues mjeti ishte shtetasi 22 vjeç dhe pasagjer shtetasi A. L., 18 vjeç.

Grupi hetimor po vijon punën për zbardhjen e plotë të rrethanave të ngjarjes.

LEXONI GJITHASHTU:

• Bashkëshorti i Britney Spears “thyen heshtjen”, pas lajmeve për divorc ai…
• BE kërkon informacion shtesë për revokimin e licencës për MTS-në