Vodhën një motor dhe disa matësa uji në një pallat në Tiranë, arrestohen 2 vëllezër

Policia e Tiranës ka arrestuar dy vëllezër, nën dyshimin se kanë vjedhur një motor dhe disa matësa uji në rrugën “Besa”.

Arrestimi i vëllezërve A.N., 33 vjeç, dhe K.I., 34 vjeç, erdhi pasi administratori i pallatit ku ndodhi ngjarja denoncoi në polici vjedhjen e një motori që i përkiste banorëve të pallatit, si dhe disa matësve të ujit.

Policia bën me dije se motori i vjedhur është gjetur pranë banesës së vëllezërve, ndërkohë që thekson se ata janë persona me precedentë të theksuar në vjedhje.

Materialet i kaluan Prokurorisë së Tiranës për veprime të mëtejshme.

Njoftimi i policisë

Vodhën 1 motomjet dhe disa matësa uji, në një pallat, identifikohen dhe kapen 2 autorët.

Si rezultat i administrimit të shpejtë të denoncimeve të shtetasve N. Ç. dhe A. P., se te pallati që administron ky i fundit, në rrugën “Besa”, ishin vjedhur 1 motomjet dhe disa matësa uji, shërbimet e Komisariatit të Policisë Nr. 4 kanë identifikuar, kapur dhe vënë në pranga autorët.

Konkretisht, u arrestuan vëllezërit, shtetasit A. N., 33 vjeç dhe K. I., 34 vjeç, të dy banues në Tiranë.

Vëllezërit e arrestuar, me precedentë të theksuar për vjedhje.

Gjendet në afërsi të banesës së këtyre shtetasve, dhe sekuestrohet motomjeti i vjedhur.

Materialet procedurale iu referuan Prokurorisë së Tiranës, për veprime të mëtejshme.

LEXONI GJITHASHTU:

• Zbardhen 6 vjedhje në Tiranë, arrestohet 40-vjeçari, i dënuar më parë
• VIDEO/ I shpallur në kërkim për 7 vjedhje në Tiranë, arrestohet 28-vjeçari